නරියකු‍ගේ තප්පුලෑම හරහා සිදුවන්නේ පෞද්ගලික උසස් අධ්‍යාපන ආයතනවලට විරුද්ධවීමේ මූලික පියවරද ?

ජුලි මස 29 වනදා සිරස ප්‍රවෘත්ති ප්‍රකාශයේ සිරස්තලය වූයේ පන්සලක පවත්වන ලද ප්‍රවෘත්ති සාකච්ඡාවකි. එහි මූලික අරමුණ වූයේ උසස් පෙළ රසායන විද්‍යා ප්‍රශ්න පත්‍රය කළින් පිටවීමේ අවදානමක් ඇතැයි කියාපෑමය.

මා දන්නා පරිදි මෙම ප්‍රවෘත්ති සාකච්ඡාවේ සරළ පසුබිම වනුයේ පසුගිය අවුරුදු කිහිපය තුළම උසස් පෙළ සිසුන්ටත් ගුරුවරුන්ටත් උසස් පෙළ ඉලක්ක කරගෙන පැවුත්වූ රසායන විද්‍යා සම්මන්ත්‍රණ පෙළ නිසා රසායන විද්‍යාව විකුණාගෙන කන “සමහරක්” රසායන විද්‍යා කඩ කාරයින්ගේ බඩට  වැදීමත්, අදාල ප්‍රවෘත්තියට පසුබිම් වූ මහාචාර්ය එස් පී දැරණියගල මහතා සමඟ කාගේ හෝ ඇති පෞද්ගලික අමනාපකමකුත් කල දුටු කල වල ඉහ ගැනීමේ දේශපාලන න්‍යාය මත පෞද්ගලික උසස් අධ්‍යාපන ආයතන වලට විරෝධය දැක්වීම හරහා පෞද්ගලික විශ්ව විද්‍යාල පිහිටුවීමේ රජයේ ප්‍රයත්නයට වි‍රෝධය දැක්වීමේ මූලික ක්‍රියා පටිපාටිය ඇරඹීමේ අවස්ථාවාදී කටයුත්තක් ලෙසය.

Adamantane House – රසායන විද්‍යා ආයතනය

1972 වසරේ ශ්‍රී ලංකා රසායන විද්‍යා ආයතනය (Institute of Chemistry, Ceylon) ඇරඹුනේ ලංකා රසායන විද්‍යා සංගමයේ උරුමය තවදුරටත් ඉදිරියට ගෙනයාමේ මූලික අඩිතාලමක් ලෙසිනි. සිසුන් සිවු දෙනෙකුගෙන් ඇරඹි රසායන විද්‍යා උපාධි පාඨමාලාවෙන් මේ වන විට උපාධිධාරීන් හයසියයකට ආසන්න හෝ ඊට වැඩි ප්‍රමාණයක් රසායන විද්‍යා උපාධිය සාර්ථකව හදාරා ඉන් පිටව ගොස් ඇත. මෙයින් වැඩි ප්‍රමාණයක් පෞද්ගලික අංශයේ රසායනාගාර, කර්මාන්තශාලා, සමහර රජයේ රසායනාගාර ආදියේ සේවය කරන අතර කිහිප දෙනෙකු තමන්ගේම ව්‍යාපාර පවත්වාගෙන යති. මෑතදී ඇති වූ ප්‍රවණතාවයක් නම් අධ්‍යාපනය උසස් ලෙස නිම කළ සිසුන් (ප්‍රථම පංතියේ, දෙවන පංතියේ ගෞරව උපාධි ලද සිසුන්) ආචාර්ය උපාධිය සඳහා විදේශගත වීමයි. එසේ විදේශගත වූ සිසුන් පණහක් පමණ මේ වන විට විවිධ රටවල ආචාර්ය උපාධිය හදාරා  අවසන් කර හෝ හදාරමින් සිටිති.

රසායන විද්‍යා උපාධිය මුදල් ඇති පමණින් කළ හැක්කක් නොවේ; ඒ සඳහා උසස් පෙළ විද්‍යා විෂය ධාරාවෙන් සමත්ව, සම්මුඛ පරීක්‍ෂණයකින් අනතුරුව සිදු කෙරෙන තෝරාගැනීමකින් සමත් විය යුතු වේ. රසායන විද්‍යා උපාධි පාඨමාලාවන්හි විෂය නිර්දේශය රජයේ විශ්ව විද්‍යාලවල රසායන විද්‍යා විශේෂ උපාධි පාඨමාලාවන්ට සමගාමී වන අතර නිරන්තරව අදට ගැලපෙන අයුරින් සංශෝධනය කෙරෙන බව අවධාරණයෙන් සඳහන් කළ යුතුමය.

අද ලංකාවේ විශ්ව විද්‍යාල රාශියක් තිබුණද, රසායන විද්‍යාවේ  උන්නතිය වෙනුවෙන් කැපවුන එකම  ආයතනය රසායන විද්‍යා ආයතනයයි. එය  මේ පුද්ගලයා පවසන පරිදි හුදෙක් උසස් පෙළ සඳහා පන්ති පවත්වන ස්ථානයක් නොවේ. මෙමඟින් විවිධ රසායනඥයන් පුහුණු කිරීම, පුහුණු සැසි පැවැත්වීම, Chemtech 2007  වැනි අන්තර්ජාතික රසායන විද්‍යා  සමුළු පැවැත්වීම වැනි දැවැන්ත ක්‍රියාදාමයකට උර දී ඇති ආයතනයකි. මහාචාර්ය දැරණියගල යනු ඒ දැවැන්ත ක්‍රියාවලිය මේ වසරකට මෙහෙයවන පුද්ගලයා පමණි. ඒ මහතා ඊලඟ නිලවරණයෙන් පසු සභාපතිකමින් ඉවත් වේ. හැරත්, මා දන්නා පරිදි රසායන විද්‍යා උපාධි පාඨමාලාවේ දේශන කරනු ලබන සියළුම මහාචාර්ය වරු කිනම් හෝ  විශ්ව විද්‍යාලයකට සම්බන්ධ රසායන විද්‍යාවෙහි කෙළ පැමිණි නම් දැරූ පුද්ගලයෝ වෙති. ඒ අය, ප්‍රශ්ණ පත්‍රයක ගැටළු පිටකිරීම වැනි සුළු කාරණයක් උදෙසා තම කීර්තිනාමය කෙළෙසා ගැනීමට තරම් අය නෙවෙති. එපමණක් නොව, ඔවුන් ප්‍රශ්න පත්‍ර සැකසීමේ කාර්යය කරනුයේ  අද ඊයේ සිට නොවේ, ඔවුන් ඒ සම්බන්ධයෙන් මනා පළපුරුද්දක් ඇති ඒවායේ සියළු නීති රීති දන්නා පුද්ගලයො වෙති. දශක ගණනාවක් මුළුල්ලේ උසස් පෙළ රසායන විද්‍යා ප්‍රශ්න පත්‍රය සැකසූ මහාචාර්ය JNO ප්‍රනාන්දු මහතා මේ ස්ථානයේ වැඩිම කලක් දේශන කළ, රසායන විද්‍යා ආයතනයේ නිර්මාතෘවරයායි. ඒ මහතා රසායන විද්‍යා ආයතනයේ දේශන කරමින් උ. පෙ. රසායන විද්‍යා ප්‍රශ්න පත්‍රයේ ප්‍රධාන සැකසුම්කරු වන විට මේ අධ්‍යාපන වෘත්තිකයින්ගේ සංගමයේ ලේකම් හිටියේ නිදාගෙනද ?

මොහුගේ මෙම මුග්ධ ක්‍රියාවට නිසි පිළිතුර ලබා දී ඇත්තේ විභාග කොමසාරිස්තුමා විසිනි. ඒ මහතා පවසා ඇත්තේ යම් අකටයුත්තක් වේ නම්, ඒ පිළිබඳ අධිකරණ ක්‍රියාමාර්ගයකට පිවිසෙන ලෙසයි. ලංකාවේ සිදුවන්නේ මෙවැනි විහිළුය… නිසි ක්‍රියාමාර්ගය නොගෙන දඩි බිඩියේ මාධ්‍ය සාකච්ඡා පවත්වා වැඩේ අනාගැනීමය……

ඇල්කෙමියාට පෙනෙන පරිදි මෙම හිඟන මාධ්‍ය සාකච්ඡාව මහාචාර්ය දැරණියගල මහතාට එරෙහිව කරන ලද පෞද්ගලික ප්‍රහාරයකි. යන එන මං නැතිව සිටින විශ්‍රාමික ටියුෂන් ගුරුවරයෙකුද මේ සාකච්ඡාවට සහභාගිවීමෙන් පෙනී යන්නේ ඔවුනටද බරපතල ලෙස පහර වැදී ඇති බවය…

බොහෝ දෙනා රසායන විද්‍යා ආයතනයේ ඇත්ත තත්ත්‍වය නොදනී. එය පිටතට කුඩාවට පෙනුනද, ඇතුළතින් දළු ලා වැඩුන සුවිසල් වෘක්ෂ්‍යයකි. ඒ හා සම්බන්ධව කටයුතු කරන්නේ ශ්‍රී ලංකාවේ රසායන විද්‍යාවේ උන්නතිය වෙනුවෙන් එතෙක් මෙතෙක් කැප වී කටයුතු කළ, කරන, උසස් චින්තනයකින් හෙබි බුද්ධිමත් ගුරු කැළකි. එය සිය දහස් ගණනක් සිසුනට උසස් අධ්‍යාපනයේ මංපෙත හෙළි කළ පින්බිමකි. එය අදටත් හෙටටත් අනාගතයේත් ඉන්ද්‍රඛීලයක් සේ නොසැලී සිය ජාතික මෙහෙවර කරනු ඇත……

6 thoughts on “නරියකු‍ගේ තප්පුලෑම හරහා සිදුවන්නේ පෞද්ගලික උසස් අධ්‍යාපන ආයතනවලට විරුද්ධවීමේ මූලික පියවරද ?

  1. I think this should be a turning point in our education system. Specially the higher education system. It’s very disappointing to see objections for this cause. As i know this series of teachers & AL student seminars started with an aim. That is to carved and embed the true concepts of chemistry to up coming generation and improving the knowledge & develop the awareness of the AL chemistry teachers who often spoon feed wrong concept to AL students. I think, if there’s anybody to lead an optimistic movement such as this, it will only be Institute of Chemistry. Even NIE can’t give shoulders to this kind of an effort. So i think rather than spreading rumors and hate they should also support this cause. But as always happens in SL, normally one will oppose even for good cause without looking forward. Though the war is ended, we still suffer as a nation because of this kind of ill attitudes among people.
    And i should say i don’t think in any part of the world we have free higher education. But Sri Lanka have. I think that is the main reason for incidents such as this. Why cant we subsidize them. Then everybody will have a value on them. Now what happened is, no one has a vale on that. That is totally rubbish i would say. And even here this guy is talking about those who have will participate and those who haven’t will not. So i would like to ask him where is the error..? I don’t think any professor will not participate for a series of seminars if government invite? But every thing has value these days. So if you want to buy a good product you always have to pay. I think if government could subsidize i think any poor person can participate. But not free man. This is a wrong concept that we have. We have free primary, secondary, tertiary education and the funniest thing is to expect jobs after all at will. This is totally nuts. I think I.Chem.C is setting a good example for other institutes as well. Please understand what’s going on..

  2. Just a small correction to the following line.
    “සායන විද්‍යා උපාධිය සාර්ථකව හදාරා ඉන් පිටව ගොස් ඇත”
    IChem is not offering a degree. It’s not a degree program, it’s just a “Graduateship program in Chemistry”
    For it offer a degree it should be recognized as a university by an act passed through the parliament. Currently other than the regular universities (like UOC, UOK, etc…) “Open University” and “SLIIT” are the only institutes that offer a Sri Lankan degree.

  3. “අද ලංකාවේ විශ්ව විද්‍යාල රාශියක් තිබුණද, රසායන විද්‍යාවේ උන්නතිය වෙනුවෙන් කැපවුන එකම ආයතනය රසායන විද්‍යා ආයතනයයි”
    මේක පොඩ්ඩක් පැහැදිලි කරන්න පුළුවන්ද ??? මෙයින් අදහස් කරන්නෙ විශ්ව විද්‍යාල වලින් රසායන විද්‍යාවෙ උන්නතියට යමක් නොකෙරෙන බවද ??? ..මා තේරුම් ගැනීම වැරදි විය හැකියි…

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )